YELLOWKNIFE<NT (April 29, 2022) iisrits'at chit nilii Caroline Cochrane, gah gwats'aii chit nilii kat, Dianne Archie, R.J. Simpson, Shane Thompson, Caroline Wawzonek, gah vizhuu Finnegan, Paulie Chinna. Aii gah chan Julie Green, jii kat at'at nikhwichit kat hah łigiljil. Gwich'in Tribal Council kat eenjit iisrits'at chit nilii Ken K'i'k'avihchik, gah anjoo kat, Ernest Vittrekwa ts'at vitr'iinjoo Alice Vittrekwa, gah chan k'eejit ihłee, Kimberley Campbell, Nihtat Gwich'in Council kat enjit iisrits'at chit nilii, Kelly McLeod ts'at yah nijilzhii kat, Chris Smith ts'at Barry Greenland hah; Teetli't Gwich'in Council kat eenjit iisrits'at chit Abe Wilson, gah chan gwats'at nuu nilii, Grace Martin; Gwichyah Gwich'in Council kat eenjit iisrits'at chit eenjit nadhat, Mavis Clark aii gah gwats'at nuu nilii, Angela Koe; Aii gah chan Ehdiitat Gwich'in Council kat eenjit iisrits'at chit nilii, Michael Greenland. Jii kat tthak at'at Srii Tsoo Kaiik'it gwizhit nihkhah April 29, 2022 dai' ginjih hah łigiljil gugwiłtsaii.

Jidii nihk'ijihkheh ts'at zhat gweedi' gwit'agwahdahch'aa giiniindhan geenjit nihkhah ginjih gałtsaii.

• Tr'oochit goonlii at'at jii ts'ik niint'aii COVID-19 diitat nahdaatth'ak nits'oo veenjitadak'atr'ahnaatyaa aii ganagigeedi'. Nihkhan aii ts'ik dadi'ii geenjit diiyahgugwaandak, aii guk'iighe' a'tat gwiyeendoo leih kwaa kat giiyah anhts'ik ginuh.Jii gugwinah'ii guk'iighe' chan yeendoo ihłat gugoontrii diidivee ji' juudigoonch'uu ts'at gah gwitr'it gwaatsii ji' duuleh gwiheezaa giiniindhan.
• Nikhwikaiik'it gwidi' at'aownyaanch'uu zheh gwiinzii srigoojaadhan gwizhit t'iheech'aa chan gagigiihe'. Nakhwah gwich'in kat gwiinzii gagoovooniltyin ji' at'at adaganh gwiinleii gwizhit nikhweenjit gwitr'it gugwahahtsah. Nits'oo zheh tr'igwahtsii, nits'oo gwit'agwii'ee dai' sreetr'igwilik, aii gehghee ts'at chan zheh geenjit nihłinehch'i' chit nilii, gweedi' ts'at yeenji' gwats'at chit nilii kat hah łegwiinaadhan ts'at nihzrii ndoo geedaa ji' at'at tthak diits'at tr'iinjii nizii giheelyaa. Nijin diilak nilii kat igwijiich'uu gik'igaanjii dai' at'at googwitr'it gwiintl'oh gwiinzii ts'at diikaiik'it gwizhit gwiintl'oh goot'agwijanhch'uh. Aii geenjit nikhwichit nilii kat juu digoonch'uu ts'at nihkhah ginjih eenjit łinagaadal, gwiitl'oh gwiinzii. •Dinjii datthak srii gwindaih giheedi'iaa geenjit chan juu idinii goo agoondaih iizuuoonjii kat eenjit chan anihłik zheh goodlii danh goots'at tr'iheedandal geenjitneegadadal Nikhwikaiik'it danh Gwich'in kat eenjit Srii Gwandaih Zheh gitr'ahnuudanh zrit juu digwidi'ii.
• Diinanhkak diilak kat gwitr'it gwizhit ndoo adagahdaazhaa geenjit jii nikhwinaneenjit sridatr'igwijiinlik dai' dinehtl'eh tr'ałtsaii zhit chapter 10 danh gwizhitiisrits'at geenjit gwidinthatl'oo tr'igwinah'ih.
• Diinanhkak gwiinchii gwi t'agwijanhch'uu geenjit nanhkak dachan nihłinehch'i'goonlii aii gah nin at'aownyaanch'uu gwiinzii eedootr'idinaatan ji'gwit'agwahdahch'aa gwiheelyaa. Yeenoo gwats'at diigwinii'ee tr'igwichił'ee ji'gwiheezaa, aii geenjit at'at nikhwilak kat łinagaadal danh gagigiikhih.
• Jii nikhwinagoo'ee nan nichii, aii kak datthak ts'at gwiinzii nihkhah gwihiidandaiigadiinjigwidizhit, geenjit at'at United Nations goovaazhii kat ginjih niint'aiigałtsaii. Jii at'at iisr'its'at dinjii zhuh goo dinjii zraii nilii kat hah gwiinzii gwitr'itgwahaatsaa geenjit juu digweedi'i'. Jii geenjit at'at jii gweedi' ehdiitat ts'atgwinagoo'ee gwizhit nikhwichit nilii chan gwit yeenji' gwats'at chit kat hahłigwiinaadhan ts'at ginjih hah nihkhan nihkhah neegadadal gonkagintih.

Nikwhikaiik'it gwats'at anjoo neekanh kat, Alice Vittrekwa chan gwit vidinjii Ernest Vittrekwa hah izhik łitr'iljil danh ginjih nizii gałtsaii. Akoo diginuu zrit nijin juu digoonch'uu nihkhah ginjih tr'ahtsii dai' gwiinzii ts'at nihłitr'ichil'ee, nihłitr'oodhilch'eii ts'at viich'oo ehdan ginjih tr'ahtsii dai' łoohah gwit'agwijanhch'uu ginuh. Izhik danh chan nagwidadhat dang gwindoo juu ts'anh ts'at łinagahaadaa geenjit srinadagugwijiinlik.

Jidii Ch'igwijuu'ee Goonlii Gwaatsii

• Jii gweedi' ts'at yeenji' gwats'at nihkhah jilch'eii kat ch'igwijuu'ee ts'atdigiginjikk'agahnahtyaa gwinjik gwitr'it gugwahtsii goonkagintih.
• Khaii gwitagwinyaanch'uu nihkhah gahdaach'aa gugwiłtsaii, aii ekhe'gugoohideenjahkwaa geenjit guk'aginahtih.
• Jii nits'oo srigwaanjik at'at October, 2012 dai' tr'oochit geenjit digoozri' niginiinlih, aiitl'ee chan May 2017 ts'at juk sreendit April nanh, 2022 chan geenjit akoo dinageedi'i'.

Tth'aih hee dagwidi'ii gwiinzii gahviidandai' nohthan ji', jii dinjii neekanh kat duuleh goots'at ginohkhih :

Todd Sasaki, Government kat eenjit Manager nilii, tl'yah eenjit vi'ihdichii zrit 867-9168 gah 15015.Aii gehghee ts'at chan e-mail hohtsaa ji'Todd_sasaki@gov.nt.ca

Tom Weegar vaazhii chan Gwich'in Tribal Council kat hah nilii, vi'ihdichii, 867-777-7927e-mail eenjit chan,tom.weegar@gwichintribal.ca